VCM nasunog matapos ang pagsabog sa isang paaralan sa Zamboanga Del Sur

Isang pagsabog ang naganap sa paaralan sa Zamboanga del Sur na nagresulta sa pagkasunog ng Vote Counting Machine na ginamit noong nakaraang eleksyon.

Nangyari ang pagsabog Miyerkules, May 16 ng gabi sa isang silid-aralan sa San Pablo Central Elementary School kung saan nakatago ang walong VCMs at iba pang paraphernalia na ginamit noong May 13.

Ayon kay Police Maj. Helen Galvez tagapagsalita ng Police Regional Office 9, ang pagsabog ay nasundan ng sunog dahilan para matupok ang osa sa mga VCM.

Ang iba pang gamit ay hindi naman napinsala.

Nilinaw naman ni Galvez na ang mga VCM at gamit na nasa silid-aralan ay pawang depektibo at hindi gumana noong nakaraang eleksyon.

Agad din namang naapula ang sunog makalipas ang 10 minuto.