Higit 900 paaralan nakapagtala ng sira noong halalan

By Rhommel Balasbas May 16, 2019 - 04:06 AM

Nakatanggap ang Deparment of Education (DepEd) ng daan-daang ulat ukol sa pinsala sa mga paaralan na ginamit noong May 13 elections.

Ayon kay DepEd Undersecretary for administration Alain Pascua, may 949 ulat ng pinsala sa school facilities.

Natanggap anya ang mga ito sa pamamagitan ng DepEd Election Monitoring App na ginamit ng kagawaran para sa kakatapos lamang na halalan.

Ayon kay Pascua, susuriin pa ng regional at division officials ng DepEd ang lawak ng nasabing mga pinsala.

Sakali anyang maberipika na ang mga ulat ay maglalabas ng update ang kagawaran.

Samantala, nauna nang tiniyak ni DepEd Undersecretary for finance Annalyn Sevilla na may quick response fund na magagamit para ayusin ang mga paaralang nasira.

Nakatakda nang simulan ng DepEd ang taunan nitong Brigada Eskwela sa susunod na linggo bilang paghahanda sa pasukan sa Hunyo.

TAGS: Brigada Eskwela, DepEd Undersecretary for administration Alain Pascua, DepEd Undersecretary for finance Annalyn Sevilla, halalan, May 13 elections, paaralan, pinsala, sira, Brigada Eskwela, DepEd Undersecretary for administration Alain Pascua, DepEd Undersecretary for finance Annalyn Sevilla, halalan, May 13 elections, paaralan, pinsala, sira

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.