Robredo pumalag sa ulat na bababa siya sa pwesto bilang vice president

Pinabulaanan ni Vice President Leni Robredo ang kumalat na balita na magbibitiw siya sa pwesto kung walang makakapasok na senatorial candidate ng Otso Diretso sa Magic 12.

Kumalat kasi sa Facebook ang isang post kung saan sinabi umano ni Robredo ang pagbibitiw sa pwesto kapag walang nanalo sa kanilang partido.

Sa Twitter, nag-post ang bise presidente para pasinungalian ang nasabing post.

Ayon pa kay Robredo, dapat ipagpatuloy ang paglaban sa disinformation sa pamamagitan ng pag-rereport ng mga pekeng balita.