12 mananalong senador maipoproklama ngayong linggo – Comelec

Sa loob ng linggong ito inaasahang makapagpo-proklama na ng mga nanalong senador ang Commission on Elections (Comelec).

Ayon kay Comelec Spokesperson James Jimenez, target ng Comelec na maiproklama na ng sabay-sabay ang lahat ng 12 mananalong senador.

Inaasahan ni Jimenez na sa loob ng linggong ito o bago mag-weekend ay maisasagawa na ang proklamasyon.

Martes (May 14) ng hapon nang ganap na umpisahan ng Comelec ang canvassing at paglalabas ng opisyal at partial na resulta ng eleksyon.