Yellow alert itinaas ng NGCP sa Luzon grid
By Dona Dominguez-Cargullo May 15, 2019 - 08:01 AM
Isinailalim ng National Grid Corporation of the Philippines (NGCP) ang Luzon grid sa yellow alert.
Ayon sa NGCP, ang pag-iral ng yellow alert sa Luzon ay mula alas 9:00 ng umaga hanggang alas 4:00 ng hapon ngayong araw ng Miyerkules, May 15.
Ito ay dahil pa rin sa manipis na reserba ng kuryente sa Luzon.
Ayon sa NGCP, mayroong 11,845 megawatts na available capacity sa Luzon habang 11,214 megawatts ang peak demand.
Hindi naman inaasahan ang pagpapatupad ng rotational brownout bunsod ng yellow alert.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.