1 patay, 9 sugatan sa magkakahiwalay na insidente sa Lanao del Sur

Isa ang patay at 9 ang sugatan sa magkakahiwalay na insidente ng karahasan sa Lanao del Sur sa mismong araw ng eleksyon.

Ayon sa 103^rd Infantry Brigade ng Philippine Army, isa ang patay sa barilan sa Lumbatan.

Walang halong pultika kundi away pamilya ang ikinamatay ng biktima.

Samantala, kasama ang 4 na bata sa 7 sugatan sa barilan sa bayan ng Ganassi.

Ang barilan ay sa pagitan ng mga taga-suporta ng magkaaway na kandidato kung saan naipit ang sinasakyan ng mga bata.

Isa naman umanong miyembro ng MILF ang sugatan sa pagsabog sa Marantao habang isa pa ang sugatan sa pamamaril sa bayan ng Tubaran.