Malawakang vote-buying naitala ngayong eleksyon – Albayalde
Sa kaniyang press briefing sa ganap na pag-uumpisa ng botohan, sinabi ni PNP chief, Police General Oscar Albayalde na nakapagtala na sila ng 79 na insidente ng vote-buying kung saan 213 ang nadakip, at 10 pa ang pinaghahanap.
Inilarawan ni Albayalde na “massive” o “kaliwa’t-kanan’ ang nagaganap na vote-buying.
Patuloy aniyang nakatatanggap ng mga ulat ng vote-buying ang PNP.
May ilan din namang ulat na nagnenegatibo.
Gaya na lamang ang ilang insidente na may nakikitang grupo-grupo o sama-samang sumasakay sa isang arkiladong jeep na iniuulat na agad sa PNP na vote-buying.
Hinihikayat naman ni Albayalde ang publiko na patuloy lang na magreport sa PNP dahil ang mga ulat ay isinasailalim naman sa beripikasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.