Cagayan, niyanig ng magkasunod na malakas na lindol; Intensity 2 at 3, naitala sa ilang lalawigan
Itinaas sa magnitude 5.2 ang lakas ng tumamang lindol sa Cagayan, Linggo ng hapon.
Sa earthquake information no. 2 ng Phivolcs, namataan ang lindol sa 38 kilometers Northwest ng Calayan dakong 4:59 ng hapon.
May lalim ang lindol na 20 kilometers at tectonic ang origin.
Naunang napaulat na 5.1 magnitude ang lakas ng lindol.
Dahil dito, naramdaman ang Intensity 3 sa Aparri, Cagayan habang Intensity 2 naman sa Laoag City, Ilocos Norte at sa Claveria, Cagayan.
Sinabi ng Phivolcs na inaasahan ang aftershocks matapos ang pagyanig.
Makalipas ang halos isang oras, yumanig naman ang magnitude 4.4 na lindol sa kaparehong lugar.
Ayon sa Phivolcs, ito ay aftershock ng naunang magnitude 5.2 na lindol sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.