266 katao, nahuling lumabag sa liquor ban – PNP

Umabot sa kabuuang 266 na katao ang nahuli ng mga otoridad kasunod ng pagsisimula ng liquor ban, Linggo ng madaling-araw.

Ayon kay National Capital Region Police Office (NCRPO) chief, Maj. Gen. Guillermo Eleazar, ang nasabing bilang ay naitala mula 12:00 ng madaling-araw hanggang 6:00 ng umaga.

Sa 266, 186 katao rito ay mula sa Quezon City.

Ipinatupad ang pagbebenta at pag-iinom ng alcoholic products para sa paghahanda sa May 13 midterm elections.

Aalisin ang liquor ban sa araw ng Martes, May 14.