NTC inatasan ang mga telco na maghatid ng uninterrupted services sa halalan sa May 13
Inatasan ng National Telecommunications Commission (NTC) ang lahat ng public telecommunication entities na maghatid ng uninterrupted services o tuluy-tuloy na serbisyo sa halalan sa Lunes, Mayo 13.
Inoobliga rin ang mga telcos na mag-deploy ng sapat na operasyon at maintenance personnel para masiguro ang 99.99% network availability at reliability.
Inaatasan din ang mga telco na magsagawa ng adjustments at maintenance para matiyak na handa ang mga networks na i-accommodate ang inaasahang pagtaas ng gagamit ng mobile services sa araw ng halalan sa Mayo 13, 2019.
Binigyan-diin pa ng NTC na dapat bigyan prayoridad na serbisyo ang Commission on Election (Comelec).
Matatandaang una nang siniguro ni Philippine National Police (PNP) chief Gen. Oscar Albayalde sa publiko sa katatapos na paglulunsad ng
National Election Monitoring Action Center (NEMAC) na ang mobile signals sa mga police station areas ay malakas.
Sabi pa ni Albayalde, hindi tulad dati, ngayon ay makapagpapadala na ang mga pulis ng videos at pictures sa sitwasyon sa polling centers para sa mas maayos na monitoring purposes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.