DOTr, susuriin ang kaligtasan ng biyahe ng Angkas sa loob ng anim na buwan

Pinapayagan pa ng DOTr ang mga motorcycle taxis na bumiyahe sa Metro Manila at sa Cebu simula Hunyo.

Ayon sa DOTr, ito ay para sa anim na buwan na pagsuri kung pasado ba ang kaligtasan ng mga motorsiklo at pati na rin kung may disiplina sa pagmamaneho ang mga drayber.

Imomonitor dito ang tinatayang 27,000 na mga drayber ng Angkas.

Pinaalalahanan naman ni DOTr Secretary Arthur Tugade ang kompanya ng Angkas at mga drayber na huwag biguin ang tiwala sa kanila na magbibigay sila ng maayos na serbisyo sa mga pasahero.