VP Binay, ‘eksperto’ sa katiwalian – Roxas
Tinawag ni Liberal Party standard bearer Mar Roxas ang katunggali na si Vice President Jejomar Binay na ‘eksperto’ sa graft and corruption.
Ito ang reaksyon ni Roxas nang tanungin siya kung ano ang masasabi niya sa pagbahagi ni Binay sa mga estudyante kamakailan lamang ng kaibahan sa pagitan ng graft at corruption.
Ayon kay Roxas, maigi na ipinaliwanag ni Binay kung ano ang pagkakaiba sa dalawa dahil bihasa o eksperto naman siya dito.
Maganda rin aniya na nagpaliwanag ang Bise Presidente, lalo’t baka may personal siyang karanasan kaya alam niya talaga kung paano ipaliwanag ang graft at corruption.
Dagdag pa ni Roxas, kasalanan sa Diyos ang pagnanakaw sa kaban ng bayan.
Sakaling mahalal bilang susunod na pangulo, nangako si Roxas na ipapakulong lahat ng mga tiwaling opisyal sa pamahalaan, pero iginiit niya na hindi niya ito idadaan sa personalan.
“Hindi ko naman pini-personal kahit sino. Kung mapatunayan at ma-convict sa court of law, ipapakulong ko sila,” ani Roxas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.