Ex-convict arestado sa P2.7M halaga ng shabu sa Cebu City

Balik kulungan ang isang dating convict na isang taon nang nakulong matapos itong makuhanan ng P2.7 million na halaga ng shabu sa Barangay Ermita, Cebu City.

Nakuha kay Froilan Kabalican, 22 anyos, ang droga sa buy bust operation araw ng Biyernes.

Ayon kay Lt. Col. Glenn Gonzales, Police Drug Enforcement Group Visayas (PDEG Visayas), nakumpiska kay Kabalican ang 400 gramo ng shabu.

Nakulong na dati ang lalaki mula 2016 hanggang 2017 dahil sa kasong droga.

Isang buwang isinailalim sa surveillance si Kabalican matapos itong ituro ng mga suspek na naaresto sa mga naunang drug operations na pinagkukunan nila ng droga.

Pero naniniwala ang pulisya na ang contact ng source ng droga ng suspek ay isang taong nasa loob ng kulungan.

TAGS: 400 gramo, balik kulungan, buy bust, Cebu City, ex-convict, Froilan Kabalican, Lt. Col. Glenn Gonzales, P2.7 million, PDEG Visayas, shabu, 400 gramo, balik kulungan, buy bust, Cebu City, ex-convict, Froilan Kabalican, Lt. Col. Glenn Gonzales, P2.7 million, PDEG Visayas, shabu