Walang apektadong Pinoy sa lindol sa Papua New Guinea – DFA
By Angellic Jordan May 08, 2019 - 08:52 PM
Walang Filipinong nasawi o nasugatan sa tumamang 7.2 magnitude na lindol sa Papua New Guinea, ayon sa Department of Foreign Affairs (DFA).
Yumanig ang malakas na lindol bandang 7:00, Martes ng umaga.
Ayon sa DFA, patuloy ang pakikipag-ugnayan ng Embahada ng Pilipinas sa Port Moresby sa Filipino community para matiyak ang kanilang kaligtasan.
Partikular na apektado ng lindol ang bahagi ng Lae at Kokopo.
Sa tala ng kagawaran, nasa 36,000 ang bilang ng mga namamalaging Filipino sa nasabing bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.