LOOK: Ilang celebrity, stunning sa 2019 Met Gala red carpet

Naging memorable ang red carpet ng Met Gala na ginanap sa Metropolitan Museum of Art, New York City, USA.

Naging pasabog ang mga suot na damit nina Jennifer Lopez, Celine Dion, Lady Gaga at iba pa.

Nabatid na apat na outfit ang ginamit ni Lady Gaga habang si Jennifer Lopez naman ay suot ang beaded Versacé dress na mayroong thigh high split at plunging neckline.

Tinernuhan pa ni Lopez ang kaniyang damit ng headpiece at 129.48 carat na Harry Winston purple Sapphire at Diamond na kwintas.

Kasama ni Lopez ang kanyang fiancé na si Alex Rodriguez.

Ang tema ng Met Gala ngayong taon ay Camp: Notes of Fashion.

Ginaganap ang Met Gala kada unang Lunes ng buwan ng Mayo.