Ayala Museum pansamantalang isasara sa Hunyo

Pansamantalang isasara sa buwan ng Hunyo ang Ayala Museum.

Sa isang Facebook post, inanunsyo ng museum na sasailalim sa rehabilitasyon ang kanilang 15-taong pasilidad kabilang ang Heritage Library at ArtistSpace.

Bukas ang museum sa publiko hanggang sa May 31.

Inaasahang matatapos ang renovations sa susunod pa na taon, 2020.

Samantala, habang inaayos ang Ayala Museum ay inilunsad naman ang Ayala Museum On-The-Go (OTG).

Sa pamamagitan ng Ayala OTG ay dadalhin ang exhibits, workshops, lectures at concerts sa publiko.

Inanunsyo rin ang pagpapasinaya sa Ayala Museum Youtube Channel.