Ayon kay Presidential spokesman Salvador Panelo, natutuwa ang Palsyo sa pag-suporta ng El Shaddai sa mga kandidato ni Pangulong Rodrigo Duterte.
Gayunman, sinabi ni Panelo na wala namang scientific at statistical study na magpapatunay na epektibo ang pag-endorso ng religious group sa mgga kandidato.
Paliwanag ni Panelo, ang taong bayan pa rin kasi ang huling huhusga kung sinong mga kandidato ang sa paniwala nila ay karapat-dapat na iluklok sa puwesto.
Kabilang sa mga admin bets na iniindorso ng El shaddai ay sina:
• reelectionist Sen. Cynthia Villar
• reelectionist Sen. Aquilino “Koko” Pimentel III
• reelectionist Sen. Sonny Angara
• reelectionist Sen. JV Ejercito
• Ilocos Norte Gov. Imee Marcos
• dating Sen. Ramon “Bong” Revilla Jr.
• datng Sen. Jinggoy Estrada
• Christopher “Bong” Go, dating special assistant to the President
• Francis Tolentino, dating Presidential political adviser, at
• Ronald “Bato” Dela Rosa, dating hepe ng Bureau of Corrections (BuCor).