Pagpapadala ng 1M marking pen para sa May 13 polls, pinoproseso na – Comelec
Pinoproseso na ang pagpapadala ng nasa isang milyong marker para sa 2019 midterm elections.
Ayon kay James Jimenez, tagapagsalita ng Commission on Elections (Comelec), natanggap na nila ang kabuuang 1,029,000 na marking pen.
Sa naturang bilang, 12 piraso ng marker pen ang ibibigay sa kada clustered precinct.
Wala aniyang nakikitang problema sa mga bagong marker pen dahil sinuri ito nang maigi at sumunod sa mga hininging requirement ng Comelec.
Kumpara aniya sa orihinal na marking pen, manipis ito at hindi agad natutuyo ang tinta sa papel.
Sinabi ni Jimenez na binawi na ang orihinal na marking pen at inilagay sa kustodiya ng elections officers.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.