Pangulong Duterte, 5-araw nang walang official schedule

By Dona Dominguez-Cargullo May 03, 2019 - 02:43 PM

Simula Lunes (April 29) hanggang ngayong araw ng Biyernes (May 3) ay walang official schedule si Pangulong Rodrigo Duterte.

Limang araw nang hindi nakikita ang pangulo at huling nagpakita ito sa publiko noong Linggo (Apr. 28) kung saan pormal niyang binuksan ang Palarong Pambansa 2019 sa Davao City.

Bago pinangunahan ng pangulo ang opening ng Palarong Pambansa ay nanggaling siya ng China mula April 24 hanggang 28 para sa Second Belt and Road Forum sa Beijing.

Simula noon ay wala nang naging public appearance ang pangulo at wala ding schedule na inilalabas ang Malakanyang.

Kapwa hindi naman sinasagot nina Presidential Spokesperson Salvador Panelo, Executive Secretary Salvador Medialdea, at dating Special Assistant to the President Bong Go ang tanong ng mga mamamahayag kung nasaan ang pangulo.

Kamakailan inamin ng pangulo na siya ay nakararanas ng Buerger’s disease, migraine, at back pain.

Sinabi rin ng pangulo na sumailalim siya sa colonoscopy at endoscopy at mayroon siyang regular na blood tests.

TAGS: health condition, Palace, president duterte, public appearance, health condition, Palace, president duterte, public appearance

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.