Lalaki arestado sa buy-bust operation sa Marikina

Arestado ang isang 55 anyos na lalaki sa ikinasang buy-bust operation ng mga otoridad sa Marikina City.

Target ng operasyon si alyas Intsik matapos makatanggap ng impormasyon ang pulisya na nagbebenta ito ng ilegal na droga sa mismong bahay niya sa Brgy. Tumana.

Doon na nagkasa ng operasyon ang mga pulis at isang otoridad ang nagpanggap na bibili ng shabu kay alyas Intsik.

Nang positibong nakabili ng P500 na halaga ng shabu ay agad dinakip ang suspek.

Aabot sa limang sachet ng hinihinalang shabu ang nakumpiska sa kaniya.