Yellow alert itinaas sa Luzon grid ngayong araw, Apr. 30

Bahagyang gumanda ang lagay ng kuryente sa Luzon grid ngayong araw ng Martes, April 30.

Sa kabila nito, may pag-iral pa rin ng yellow alert sa Luzon grid mula alas 10:00 ng umaga hanggang alas 4:00 ng hapon.

Ayon sa National Grid Corporation of the Philippines (NGCP) ang available capacity sa Luzon ngayong araw ay 11,405 megawatts habang ang peak demand ay 10,482 megawatts.

Hindi naman inaasahan na magkakaroon ng rotational brownout bunsod ng pag-iral ng yellow alert.

Ito ay maliban na lamang kung mayroon pang karagdagang mga planta ng kuryente na papalya.