Palasyo, dumistansya sa away sa Manila Times dahil sa ‘Oust Duterte’ matrix

Walang balak ang Palasyo ng Malakanyang na pakialaman ang internal na problema ng Manila Times matapos magbitiw sa puwesto si Managing Editor Felipe Salvosa dahil sa inilabas na matrix na oust Duterte plot.

Ayon kay Presidential spokesman Salvador Panelo, hahayaan na lamang ng Palasyo ang pamunuan ng Manila Times na resolbahin ang sarili nilang problema.

Nagbitiw si Salvosa sa puwesto dahil sa pagtutol ng istorya na isinulat ni Manila Times publisher Dante ang ukol sa oust Duterte plot matrix.

Nanindigan pa si Panelo na base sa kanyang pakikipag-usap kay Ang, hiniling ng pamunuan ng Manila Times na magbitiw na sa puwesto si Salvosa dahil sa pag-post sa kanyang social media na kumukwestyun sa istorya na inilathala ng kanilang pahayagan.