Klase sa Emilio Aguinaldo College sa Maynila, balik na sa normal ngayong araw
Ito’y makaraang maapektuhan ang gusali ng paaralan na naganap na magnitude 6.1 na lindol na yumanig sa Luzon noong Lunes, April 22.
Hindi pinagamit ang isang gusali sa loob ng paaralan dahil sa ginagawang inspeksyon sa istraktura.
Sa Facebook page ng EAC, inilabas ang room assignment ng mga estudyante sa kursong business education, engineering technology, medicine, criminology, pharmacy, at medical technology.
Ang klase at opisina sa Building 7 ng paaralan ay pansamantalang inilipat sa Building 5 at 6.
Dalawang grupo ng structural consultants ang sumusuri sa gusali ng EAC makaraang umanong tila tumagilid at dumikit ito sa kalapit na gusali matapos ang malakas na lindol noong nakaraang linggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.