Duterte target ang pangmatagalan at payapang paggamit ng mga karagatan
Hiniling ni Pangulong Rodrigo Duterte ang suporta ng international community para sa “sustainable and peaceful” na paggamit sa mga karagatan alinsunod sa international law.
Ang hakbang ay kaugnay ng plano ng administrasyong Duterte na ideklara ang mga bahagi ng West Philippine Sea bilang “marine sanctuary.”
“As an archipelagic state, the Philippines seeks to improve our collective capacity to manage and protect marine resources,” pahayag ng Pangulo sa leaders’ roundtable araw ng Sabado kasabay ng Belt and Road Forum.
Nagsalita si Pangulong Duterte sa sesyon na sumentro sa “green and sustainable development.”
“As channels of transportation and communication, and a vital source of sustenance and livelihood, our oceans and seas connect and sustain us. It is thus our collective duty to promote their sustainable and peaceful use in accordance with international law,” ani Duterte.
Sa hiwalay na panayam ay sinabi ni National Security Adviser Hermogenes Esperon na pinag-aaralan ng Malakanyang ang deklarasyon ng West Philippine Sea bilang “marine-protected” katulad sa ginawa sa bahagi ng Benham Rise noong 2018.
Sa gitna ng implementasyon ng agresibong programang pang-imprastraktura sa tulong ng China, sinabi ni Duterte na isang pagkakataon ang Belt and Road Forum para parehong makinabang ang Pilipinas at China.
Kasunod ng kanyang biyahe sa Beijing ay iniulat ng Pangulo ang 75 “big-ticket infrastructure projects” na nagkakahalaga ng $41.6 billion.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.