Pilipinas at China pinagtibay ang ugnayan sa gitna ng tensyon sa West Phil. Sea

Pinagtibay ng Pilipinas at China ang diplomatikong ugnayan sa kabila ng umigting na tensyon sa West Philippine Sea at South China Sea.

Sa kanilang bilateral meeting, ipinangako ni Pangulong Rodrigo Duterte kay Chinese President Xi Jinping ang pagkakaroon ng “high quality” at “good impact” na mga proyekto.

Sinaksihan nina Duterte at Xi ang paglagda ng dalawang bilateral agreements sa Great Hall of the People sa China araw ng Huwebes.

Ito ay palitan ng mga commitment ng Pilipinas at China ukol sa production capacity at investment cooperation.

Saksi rin ang dalawang lider sa handover ng grant package ng China para sa drug abuse treatment at rehabilitation centers sa Sarangani at Agusan del Norte.

Sinabi ni Dutrerte, isa sa 35 heads of state na nasa Beijing para sa second Belt and Road Forum, isa itong pagkakataon para ma-renew at mapagtibay ang ugnayan ng Pilipinas at China.

Sa kanya namang panig ay tinawag ni Xi si Duterte na “genuine” friend at “trusted partner.”

TAGS: bilateral agreements, bilateral meeting, Chinese President Xi Jinping, diplomatic ties, drug abuse treatment, genuine friend, investment cooperation, pinagtibay, production capacity, rehabilitation centers, Rodrigo Duterte, South China Sea, trusted partner, ugnayan, West Philippine Sea, bilateral agreements, bilateral meeting, Chinese President Xi Jinping, diplomatic ties, drug abuse treatment, genuine friend, investment cooperation, pinagtibay, production capacity, rehabilitation centers, Rodrigo Duterte, South China Sea, trusted partner, ugnayan, West Philippine Sea