NDRRMC: 14 pinaghahanap pa rin sa gumuhong supermarket sa Pampanga

Labing-apat katao pa rin ang nawawala mula sa gumuhong Chuzon Supermarket sa Porac, Pampanga matapos ang lindol sa Luzon noong Lunes.

Ayon sa advisory ng National Disaster Risk Reduction Management Council (NDRRMC), Miyerkules ng gabi, tuloy pa rin ang search, rescue and retrieval operations para hanapin ang 14 na nawawala.

Ito ay kahit sinabi ng Pampanga police na wala nang sensyales ng buhay sa gumuhong gusali.

“The SRR operation is still ongoing, and 14 persons are still missing as of now,” ayon sa NDRRMC.

Nauna nang sinabi ni Health Secretary Francisco Duque III na hindi dapat itigil ang search and rescue dahil posibleng may survivors pa kahit lumipas ang isang linggo.