Sunog sumiklab sa residential area sa Makati

Tinupok ng apoy ang ilang bahay sa Barangay Valenzuela, Makati City Miyerkules ng gabi.

Nagsimula ang sunog sa bahay ng isang Chinese National sa kanto ng Taguig at Valenzuela Streets alas 9:40 ng gabi.

Anim na bahay ang nasunog dahil nahirapan ang mga bumbero na apulahin ito dahil sa kakulangan ng tubig ayon kay Makati City fire marshal Roy Quisto.

Hatinggabi na ng Huwebes nang idineklarang fire-out ang sunog.

Walang nasaktan sa sunog pero dalawang babae ang dinala sa pagamutan dahil sa paninikip ng dibdib at hirap sa paghinga.

Aabot sa P100,000 ang halaga ng ari-ariang natupok ng apoy at walong pamilya ang nawalan ng tirahan.