Avengers: Endgame maagang pinilahan sa SM North EDSA
Madaling araw pa lamang pila na ang mga manonood ng Avengers: Endgame sa SM North EDSA.
Ngayong araw ang unang showing ng Endgame sa Pilipinas.
Alas 4:30 ng umaga may mga nakapila na para unang screening Endgame sa naturang mall.
Sa IMAX kasi ng SM North EDSA alas 6:01 ng umaga ang oras ng unang showing ng Avengers.
Susundan na ito ng 9:15am, 12:30PM, 4:15PM, 11:55PM at 3:30 ng madaling araw kinabukasan
Para sa regular cinema naman ng SM North EDSA, alas 6:30 ng umaga ang unang palabas ng Avengers: Endgame at susundan na ito ng sunud-sunod na showing sa maghapon hanggang madaling araw.
Lahat ng Cinema 1 to 11 ng SM North EDSA ay Avengers: Endgame ang palabas.
Una nang sinabi ng SM Supermalls na marami sa kanilang sinehan ang magbubukas ng 24 oras para ma-accommodate ang Avengers fans.
Lahat din ng kanilang sinehan sa buong bansa ay Avengers: Endgame lang ang ipapalabas mula ngayong araw hanggang sa Linggo, April 28.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.