2 sundalo sugatan, libo-libo inilikas dahil sa enkwentro ng militar at NPA sa Cotabato

Sugatan ang dalawang sundalo na miyembro ng 19^th Infantry Battalion kasunod ng enkwentro sa mga miyembro ng New People’s Army (NPA) sa North Cotabato Martes ng umaga.

Ayon kay Police Captain Jose Marie Molina, naganap ang sagupaan sa mga boundary ng mga bayan ng Antipas-Arakan-Magpet.

Nagresulta ito sa paglikas ng mahigit isang libong residente na apektado ng enkwentro ng mga sundalo at rebelde.

Pansamantalang naninirahan ang mga ito sa Barangay Badiongan hall sa bayan ng Arakan.

Sinabi ni Police Captain Bernard Abarquez, hepe ng Antipas Police, kabilang sa mga inilikas na residente ay mula sa Brgy. Malire.

TAGS: 19th Infantry Battalion, Antipas, Arakan, boundary, enkwentro, inilikas, Magpet, Militar, North Cotabato, NPA, rebelde, sagupaan, sugatan, sundalo, 19th Infantry Battalion, Antipas, Arakan, boundary, enkwentro, inilikas, Magpet, Militar, North Cotabato, NPA, rebelde, sagupaan, sugatan, sundalo