E. Samar nagtala ng pinakamataas na heat index sa araw na tinamaan ito ng lindol

By Len Montaño April 23, 2019 - 11:53 PM

Naitala ng Guiuan sa Eastern Samar ang pinakamataas na heat index ngayong Martes, sa parehong araw na tinamaan ang lalawigan ng magnitude 6.5 na lindol.

Ayon sa Pagasa, ang heat index sa Guiuan ay umabot sa 46.7 degrees Celsius alas 11:00 Martes ng umaga.

Ang heat index na 41 degrees Celsius o higit pa ay ikinikunsiderang “danger level” at may banta ng masamang epekto sa kalusugan.

Naiulat ang heat index ilang oras lamang bago ang malakas na pagyanig sa lalawigan na ang episentro ay sa San Julian.

Samantala, sinabi ng Phivolcs na walang kaugnayan ang lindol sa anumang weather phenomenon gaya ng El Niño.

“Earthquakes are not affected by any weather. The origin of earthquakes are so deep that any temperature or extreme weather conditions do not affect them,” ani Ishmael Narag, officer-in-charge ng Seismological Observation and Earthquake Prediction Division ng Phivolcs.

Hanggang Martes ng gabi ay nasa 495 aftershocks ang naitala kasunod ng lindol sa Luzon habang 21 aftershocks naman sa Samar.

Samantala, ang 12 lugar sa bansa na nagtala ng mataas na heat index araw ng Martes ay ang sumusunod:

Infanta, Quezon: 45.7°C

Ambulong, Batangas: 44.1°C

Dagupan City, Pangasinan: 44.1°C

Cuyo, Palawan: 43.9°C

Baler, Aurora: 41.9°C

Casiguran, Aurora: 41.9°C

Catbalogan, Western Samar: 41.9°C

Roxas City, Capiz: 41.8°C

Zamboanga City, Zamboanga del Sur: 41.6°C

Iba, Zambales: 41.5°C

Laoag, Ilocos Norte: 41.3°C

Pinayuhan naman ng Pagasa ang publiko na manatili sa loob, magsuot ng magaan at light-colored na damit at regular na uminom ng tubig ngayong mainit ang panahon.

TAGS: 46.7 degrees Celsius, danger level, eastern samar, el nino, Guiuan, heat index, Ishmael Narag, lindol, Luzon, magnitude 6.5, pagasa, phivolcs, pinakamataas, weather phenomenon, 46.7 degrees Celsius, danger level, eastern samar, el nino, Guiuan, heat index, Ishmael Narag, lindol, Luzon, magnitude 6.5, pagasa, phivolcs, pinakamataas, weather phenomenon

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.