Acierto, 7 iba pa pinapaaresto kaugnay ng shabu sa magnetic lifters
Inutos ng Manila Regional Trial Court (RTC) Branch 35 na arestuhin ang dating police official na si Eduardo Acierto at pitong iba pa kaugnay ng shabu smuggling sa pamamagitan ng magnetic lifters.
Bukod kay Acierto, pinapaaresto rin ng korte si dating Customs Intelligence Officer Jimmy Guban at si dating Philippine Drug Enforcement Agency (PDEA) Deputy Director for administration Ismael Fajardo.
Kasama rin sa asunto ang importers na sina Chan Yee Wah alias KC Chan at Zhou Quan alias Zhang Quan; ang mga consignee na sina Vedasto Cabral Baraquel Jr. at Maria Lagrimas Catipan ng Vecaba Trading at isang Emily Luquingan.
Nahaharap si Acierto at mga kapwa-akusado nito sa kasong paglabag sa Comprehensive Dangerous Drugs Act of 2002 na isinampa ng Department of Justice (DOJ).
Nakasaad sa warrant of arrest na walang piyansang inirekomenda si Manila RTC Judge Ma. Bernardita Santos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.