NDRRMC: Text message ukol sa magnitude 8 na lindol, ‘hoax’

Nagpaalala ang OCD-NDRRMC na huwag magpadala ang mga mamamayan sa mga kumakalat na text messages na may paparating na magnitude 8 na lindol.

Ayon sa ahensya, ang mga text messages na ito ay ‘hoax’ lamang at walang katotoohanan.

Hindi rin gumagamit ng anumang cellphone number ang OCD-NDRRMC sa pagpapadala ng mga patnubay at alerts sa mga tao.

Pinaalalahanan ang publiko na huwag maglike, share o magforward ng mga nasabing pekeng mensahe.

Para sa tamang impormasyon, ipinayo na tumungo sa kanilang website na ndrrmc.gov.ph at OCD Facebook page sa Civil Defense Ph.

Hinikayat din ang publiko na maging alerto sa lahat ng oras sa mga banta ng sakuna at kalamidad.