Mga paaralan pinapa-inspeksyon ng DepEd matapos ang lindol kahapon

Ipinag-utos na ng Department of Education (DepEd) ang pag-iinspeksyon sa lahat ng eskwelahan at pasilidad matapos ang 6.1 magnitude na lindol kahapon.

Sa memorandum ni Education Sec. Leonor Briones, agad pinaiinspeksyon ang mga eskwelahan sa mga lugar na naapektuhan ng lindol.

Inatasan ni Briones ang mga principal, school heads at mga inc-charge na ipabusisi ang mga pasilidad bago payagan na makapasok ang mga guro at mga bata.

Mahalaga ayon sa DepEd na masigurong ligtas ang mga paaralan.

Para sa mga paaralan na mayroon pang mga klase ay nagsuspinde na ng pasok ang DepEd ngayong araw sa NCR.