Mahigit 100 sugatan sa magnitude 6.1 na lindol na tumama sa Luzon
Ayon sa Department of PUblic Works and Highways (DPWH) dalawa sa nasawi ay mag-lola sa Sta. Cruz, Lubao, Pampanga na kapwa nadaganan ng bumagsak na pader.
Mayroon namang nang limang nasawi na nakuha mula sa gumuhong Chuzon Supermarket sa Porac, Pampanga.
Samantala, nasa 102 ang naitalang nasugatan na pawang mula sa Pampanga at Angeles City kabilang na ang 13 mula sa SM mall, at 59 mula sa Chuzon Supermarket.
Ngayong madaling araw, may naitala na ang DPWH na 15 pasilidad na napinsala ng lindol sa Bataan, Pampanga, Zambales, Bulacan at Olongapo.
Isinara naman ang Floridablanca Consuelo Bridge sa mga motorista gayundin ang Mega Dike Access Road sa Bacolor Pampanga.
Habang maliliit na sasakyan lamang ang pinapayagan na dumaan sa Sasmuan-Lubao Bridge.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.