Matapos ang pag-atake sa Sri Lanka, publiko hinimok ng NCRPO na maging mapagmatyag
May mga hakbangin at paghahanda ang pulisya sa mga insidente ng pag-atake ng mfa terorista.
Pahayag ito ni National Capital Region Police Office chief, Maj. Gen. Guillermo Eleazar kasunod ng serye ng pag-atake sa Sri Lanka.
Sa panayam ng Radyo Inquirer sinabi ni Eleazar, sunud-sunod ang simulation activities ng NCRPO nitong nagdaang mga linggo para matiyak ang kahandaan ng mga otoridad kapag may nangyari na mga pag-atake.
Kaugnay nito, hinimok muli ni Eleazar ang publiko na maging mapagmatyag at mapagbantay sa kapaligiran.
Anuman aniyang kahina-hinalang bagay, o kapag may kahina-hinalang indibidwal ay dapat agad ipagbigay-alam sa mga otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.