Lalaki arestado sa pagtakbo sa riles ng MRT-3

By Rhommel Balasbas April 22, 2019 - 03:17 AM

Inaresto ng security personnel ng Metro Rail Transit line 3 (MRT-3) at ng mga pulis ang isang lalaking tumakbo sa riles ng train line.

Ayon sa ulat ng MRT-3, ang lalaki ay nakilala sa pangalang Guevara Soledad.

Unang namataan si Soledad na tumatawid sa footbridge malapit sa Kamuning road bandang alas-5:00 ng hapon.

Ilang sandali lamang ay tumalon ito sa riles ng MRT-3 at tumakbo patungo sa northbound section ng Quezon Avenue Station.

Nangyari ang insidente sa huling araw na walang operasyon ang MRT-3 dahil sa week-long general maintenance activities nito.

Kasalukuyang nakaditene si Soledad sa Kamuning Police Station.

Samantala, balik na ang normal na operasyon ng MRT-3 maging ang Light Rail Transit Lines 1 and 2 (LRT-1 at LRT-2) ngayong araw ng Lunes, April 22.

TAGS: metro news, Metro Rail Transit-3 (MRT-3), metro news, Metro Rail Transit-3 (MRT-3)

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.