Tambak na basura naiwan matapos ang Alay Lakad sa Antipolo

Naiwan ang tambak na mga basura matapos ang taunang Alay Lakad sa Antipolo City sa Rizal.

Sa mga larawan na ibihagi sa Facebook ng user na si Kae Rivera, makikita ang mga basurang nakatambak sa mga dinaraanan ng lumahok sa Alay Lakad.

Sa hagdan paakyat sa pintuan ng Our Lady of Peace and Good Voyage Church ay may mga nakatambak na empty water bottles, food wrappers, plastic bags, styrofoam cups, paper plates at iba pang basura.

Binatikos ni Rivera ang mga walang disiplinang nagtapon ng basura.

“Sa mga lumalahok po sa Alay Lakad sa Antipolo. Hindi po isang malaking basurahan ang aming simbahan,” ayon sa post ni Rivera.