4 arestado sa buy-bust sa Makati

Arestado ang limang suspek sa ilegal na droga sa ikinasang magkakahiwalay na buy-bust operations sa Makati City.

Unang isinagawa ang operasyon sa bahagi ng Woodpecker St., sa Barangay Rizal kung saan nadakip ang isang 42 anyos na babaeng suspek.

Nakuha sa kaniyang ang 10 sachet ng hinihinalang shabu.

Samantala, sa Casino St. kanto ng Bautista St. sa Barangay Palanan nadakip naman ang 27 anyos na pedicab driver.

Ang ikatlong operasyon naman ay ikinasa sa Fortuna St. Brgy. Olympia, kung saan aabot sa tatlong suspek ang nadakip.

Sa tatlong operasyon, umabot sa 19 na sachet ng hinihinalang shabu ang nakumpiska ng mga otoridad.