Self-confessed drug lord na si Franz Sabalones patay sa pamamaril sa QC

Nasawi sa pamamaril ang self-confessed drug lord na si Franz Sabalones.

Si Sabalones ay tinambangan ng hindi nakilalang mga suspek sa Timog Avenue, Quezon City madaling araw ng Huwebes Santo, April 18, 2019.

Kinumpirma ito ni Police Colonel Manuel Abrugena, hepe ng Cebu Provincial Police Office (CPPO), sa pamamagitan ng text message sa Cebu Daily News Digital.

Si Sabalones ay pinaghahanap ng pulisya sa Cebu.

Umamin si Sabalones na siya ay “big-time” supplier ng illegal droga.

Kamakailan, ilan sa kaniyang tauhan at kanang-kamay ang nasawi sa magkakahiwalay na police operations at insidente ng pananambang.