Trak naaksidente, mga dalang karton humambalang sa kalsada
Matinding abala ang sinapit ng mga motorista matapos maaksidente ang isang trak na may dalang mga karton sa southbound lane ng C5 Libis Flyover, Quezon City hatinggabi ng Miyerkules.
Nahulog ang mga karton makaraang masira ang tali ng mga ito.
Ayon sa drayber ng truck na si Ryan Baldera, nakatakdang dalhin ang mga karton sa Pasig ngunit naputol ang lubig na nakapalibot dito.
Sinakop ng 400 bundles ng karton ang isang lane ng kalsada dahilan para hindi ito madaanan ng mga motorista.
Gagamitin sana ang mga karton para sa produksyon ng paper food storage ng isang fast food chain.
Bumaba ang ilang mga motorista at tumulong sa mga traffic personnel para linisin ang kalsada mula sa mga karton.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.