M3.5 na lindol naitala sa Leyte

Niyanig ng magnitude 3.5 na lindol ang bahagi ng Leyte alas-12:48 madaling araw ng Martes.

Ayon sa Phivolcs, ang episentro ng lindol ay sa layong 24 kilometro Hilagang-Silangan ng Abuyog.

May lalim ang pagyanig na 134 kilometro at tectonic ang origin.

Naitala ang instrumental intensity I sa Borongan City, Eastern Samar.

Wala namang pinsala sa ari-arian ang lindol at hindi rin inaasahan ang aftershocks.