15 pamilya nawalan ng bahay sa sunog sa Maynila

Nawalan ng bahay ang nasa 15 pamilya sa sunog sa residential area sa Damayan Street, Bacood sa Sta. Mesa, Manila Lunes ng gabi.

Dakong 7:10 ng gabi ay itinaas sa ikatlong alarma ang sunog.

Bahagyang humina ang sunog alas 7:20 ng gabi pero patuloy na inapula ng mga bumbero ang apoy.

Idineklara ng Bureau of Fire-Manila (BFP-Manila) ang sunog na under control bandang 7:31 ng gabi.

Wala namang nasaktan sa naturang sunog.

Inimbestigahan ang pinagmulan ng sunog at ang halaga ng natupok na ari-arian.