Maintenance activities sa MRT-3 umarangkada na

Sa unang araw ng maintenance shutdown ng MRT-3 puspusan na agad ang pagtatrabaho ng kanilang mga tauhan.

Inumpisahan ang maintenance sa pamamagitan ng pagsasaayos ng Overhead Catenary System (OCS), linya ng kuryente, riles ng tren, at paglilinis ng mga istasyon.

Target ng isang linggong aktibidad ang pagkukumpuni at pagpapalit ng maluluwag na anchor bolts at rail fastener.

Lilinisin din ang lahat ng istasyon ng tren, papalitan ang mga contact wire, aayusin ang fire pumps, water pumps at ventilation system.

Sa pagtatapos ng isang linggong maintenance target ng MRT-3 na mas mabigyan ng maayos na serbisyo at convenient na biyahe ang publiko.