Simbahan may panawagan sa bawat pamilyang Filipino ngayong Holy Week
Sa pormal na pagsisimula ng Mahal na Araw kahapon, Linggo ng Palaspas may panawagan ang Simbahang Katolika sa publiko.
Sa panayam ng Radyo Inquirer kay Cebu Archbishop Jose Palma, sa 52 araw sa buong isang taon, mahalagang panatilihing banal at magkaroon ng pangninilay-nilay ngayong Holy Week.
Hinimok ni Palma ang publiko na maliban sa pagbabakasyon at pagsasaya, dapat ay sama-sama ring manalangin at makilahok sa mga aktibidad sa simbahan.
Ayon kay Palma, mula ngayong araw Lunes Santo hanggang sa Miyerkules Santo, may mga recollection at may kumpisalan sa mga parokya na maaring lahukan ng publiko.
Sinabi ni Palma na magandang aktibidad din ang ginagawa ng ilang pamilya na sama-samang nagbi-Visita Iglesia.
Ang ganitong tradisyon ng pananampalataya aniya ay magandang ginagawa ng sama-sama ang buong pamilya upang makalakihan ng mga bata.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.