Mahigit 1,000 flights nakansela sa Chicago dahil sa matinding snow

Mahigit isang libong flights ang kinansela sa dalawang paliparan sa Chicago dahil sa matinding snow.

Sa O’Hare International Airport, aabot sa 884 ang nakanselang biyahe ng eroplano habang 118 na biyahe naman ang kinansela sa Midway International Airport.

Nakaranas ng pag-ulan at wet snow sa Chicago maghapon ng Sabado at hanggang Linggo.

Sa abiso naman ng mga otoridad, pagpasok ng araw ng Lunes sa Amerika ay magsisimula nang gumanda ng panahon.