Magpapatupad ng one-way traffic rerouting scheme sa Tagaytay City para sa Holy Week.
Sa abiso ng Tagaytay City Office of Public Safety – Traffic Unit, inabisuhan ang mga motoristang aakyat ng Tagaytay City patungong Nasugbu, Alfonso, Mendez, at Indang na maaaring dumaan sa J. P. Rizal Street sa bahagi ng Petron, Maharlika East Intersection.
Para naman sa mga sasakyang magmumula sa Nasugbu, Indang, Alfonso at Mendez patungong Maynila, dadaan sa Tagaytay-Nasugbu Road sa Hagdang Bato Intersection.
Sinabi ng traffic unit na epektibo ang one way traffic flow simula April 13 hanggang Linggo ng Pagkabuhay, April 20.
Ipatutupad ang traffic scheme mula 6:00 ng umaga hanggang 8:00 ng gabi.
