Abu Sayyaf leader, 8 iba pa, patay sa Sagupaan sa Sulu

Patay ang siyam na miyembro ng Abu Sayyaf kabilang ang isang sub-leader sa engkwentro sa mga sundalo sa Patikul, Sulu.

Sa pahayag ng Joint Task Force Sulu, nasawi sa engwkentro si ASG sub-leader Julie Ikit na pinsan ni Radullan Sahiron.

Aabot sa 120 mga bandido ang naka-engwentro ng mga tauhan ng 32nd infantry battalion Huwebes (Apr. 11) ng umaga.

Tumagal ng 42-minuto ang palitan ng putok.

Nasundan pa ang sagupaan hanggang hapon ng Huwebes.

Maliban sa mga nasawi sa panig ng mga bandido ay mayroon ding 19 na nasugatan.

Noong nakaraang linggo, tatlong sundalo ang nasawi sa engkwentro din sa Abu Sayyaf sa Patikul.