DOE naglabas ng show cause order laban sa 5 planta ng kuryente
Naglabas ng show cause order ang Department of Energy (DOE) laban sa operators ng limang planta ng kuryente na biglang nagshutdown at nagresulta sa paglalagay sa Luzon grid sa yellow at red alert status sa mga nakalipas na araw.
Sa isang pulong balitaan sa Quezon City araw ng Huwebes, sinabi ni DOE Usec. Felix William Fuentebella na pagpapaliwanagin ang limang planta dahil sa kanilang forced outages.
Ang limang planta ay ang:
• Sual Unit 1
• Southwest Luzon Power Generation Corp. (SLPGC) Unit 2
• South Luzon Thremal Energy Corp. (SLTEC) Unit 1
• Malaya Unit 1
• Pagbilao Unit 3
Umabot sa 1,352 megawatts ang nawalang kuryente sa Luzon bunsod ng pagpalya ng limang planta.
Pagpapaliwanagin din ang Calaca Unit 2 dahil hindi ito nag-o-operate sa full capacity na 200 megawatts at 100 megawatts lamang ang inilalabas.
Ang pagsasailalim sa red alert sa Luzon grid araw ng Miyerkules ay nagresulta sa isa hanggang dalawang oras na rotational brownouts.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.