LOOK: Ulo ng isang estudyante sa Malaysia mahigit isang oras naipit sa road cone

Sa Sabah, Malaysia, isang tawag ang tinanggap ng mga otoridad matapos na ma-trap ang ulo ng isang estudyante sa isang platic road cone.

Nangyari ang insidente noong Martes, April 9 makaraang paglaruan ng bata ang road cone habang siya ay naghihintay sa kaniyang magulang na susundo sa kaniya.

Nag-viral sa Twitter ang larawan at ang video na ibinahagi ng isang user na may handler na “ManBro” kung saan makikita ang road cone na nakasuot sa ulo ng bata.

Ayon sa mga bumbero, agad silang rumesponde sa eskwelahan nang matanggap ang tawag.

Umabot ng 1 at kalahating oras na nakasuot sa ulo ng bata ang road cone bago tuluyang natanggal.

Nilagari ang cone para maalis ito sa ulo ng bata.

Naging maingat ang ginawang paglagari para masigurong hindi masusugatan ang bata.

Maayos naman ang kondisyon ng estuidyante matapos ang insidente.