1 patay sa engkwentro sa Nueva Ecija

Nasawi ang isang drug suspek sa isinagawang buy bust operation ng pulisya sa Brgy. Malasin, San Jose City, Nueva Ecija ala-1:50 kaninang madaling araw.

Kinilala ang suspek na si Dominador Dionaldo mas kilala sa alyas na ‘Buboy’ na umano’y notoryus na drug pusher sa lugar.

Nakahalata si Dionaldo na pulis ang kanyang nakatransaksyon dahilan para magpaputok ito ng baril.

Agad na gumanti ng putok ang mga pulis na agad ikinasawi ng suspek.

Narekober sa crime scene ang isang kalibre. 38 ng baril at dalawang piraso ng fired catridge cases ng 9mm.